ҚОРАҚАЛПОҒИСТОНЖамиетВсе

Урыс қатнасыўшыларына терең ҳүрмет кѳрсетилмекте

Елимизде байрамлар кѳп. Олар арасында 9-май «Еслеў ҳәм қәдирлеў күни»  ҳәр жылы үлкен байрам сыпатында ѳзгеше бир кѳтериңки руўхта  белгиленеди. Екинши жәҳән урысында  қатнасып, мәртлерше  хызмет еткен ел азаматларының ҳалынан хабар  алыў , бәрше ушын үлкен парыз хәм қарыз болып қала береди.

Усы жыл 7-май күни екинши жер жүзлик урыста фашизм  үстинен ерисилген жеңистиң 76 жыллық байрамы мүнәсебети менен Қарақалпақстан Республикасы Жоқарғы Кеңеси, Министрлер кеңеси, Нѳкис қаласы ҳәкимияты, Қорғаныў шѳлкемлери, Нѳкис әскерий Прокуратурасы, Миллий гвардия,  Жаслар аўқамы, Мәденият министрлиги ҳәм басқа да шѳлкемлердиң қатнасыўында Нѳкис қаласында жасаўшы екинши жер жүзлик урыс қатнасыўшысы Қәдирбай ата Нармановтың  ҳал жағдайынан хабар алыў мақсетинде оның шаңарағында болып, байрам менен қутлықлады.

Онда Қарақалпақстан Республикасы Жоқарғы Кеңеси баслығының орынбасары А.Давлетов Ѳзбекстан Республикасы Президентиниң  байрам қутлықлаўын оқып еситтирди.

Соның менен бирге Журтбасшымыз тәрепинен берилген ақшалай пул сыйлығын ҳәм де байрам саўғаларын  тапсырды.

Уллы ўатандарлық урыс қатнасыўшысы менен сәўбетлесиў ўақтында  дүнья халықлары басына мүсийбет салған урыста кѳрген қыйыншылықларын ҳәм бул қыйыншылықларды ата-бабаларымыздың  мәртлерше жеңип ѳткенлерин  еске  алып, айтып берди.

Келген басқа да  тараў басшылары  атамыздың еледе халқымыз бахтына саў-аман болып, жасай бериўине ҳәмийше  тилеклес екенликлерин билдирди. Сондай-ақ, Республика кѳркем–ѳнер шайдалары,  Арқа – батыс әскерий округи оркестрлериниң атқарыўындағы қосық ҳәм намалар  ветеран аталарымыздың фронт дәўириндеги мәртлик ислерин еске түсирди. 

Website | Facebook | Instagram | Twitter Telegram

Батафсил курмоқ

Ухсас жаналықлар

Изах қалдырыу

Э-пошта мекенжайыңыз жарияланбайды. Міндетті өрістер * таңбаланған

Back to top button
Close
Close