ҚОРАҚАЛПОҒИСТОН

«Жаслар арасында жынаятшылық ҳәм ҳуқықбузарлықтың алдын алыў ҳәм сапластырыў» атамасында үгит-нәсиятлаў илажы болып ѳтти

Жаслар арасында жынаятшылық ҳәм ҳуқықбузарлықтың алдын алыў ҳәм сапластырыў барысында үгит-нәсиятлаў илажлары Қарақалпақ мәмлекетлик университетинде даўамлы ѳткерилип киятыр. Усындай әҳмийети жоқары болған ушырасыўдағы пикирлерден жуўмақ шығарыў жасларымыздың ўазыйпасы болып есапланады.

Илажды университет Жаслар менен ислесиў бойынша проректор  С.Алаўатдинов ашты  ҳәм алып барды. Ол өз сөзинде ҳуқықбузарлық ҳәм жынаятшылыққа қарсы гүресиў, оларды анықлаў ҳәм шек қойыў, буған имкан бериўши себеплер ҳәм оларды сапластырыў бойынша Республикамызда кең көлемли жумыслар әмелге асырылып атырғанлығын атап өтти. Бул бойынша университетимизде бир қатар нәтийжели ислер әмелге асырылып, ҳуқық қорғаў органлары қәнигелери, жәмәәтлик бирлеспе ўәкиллери менен биргеликте профессор-оқытыўшылар ҳәм де студент-жаслар арасында ҳуқықбузарлық ҳәм жынаятшылықтың алдын алыўға қаратылған үгит-нәсиятлар илажлары өткерилип туратуғынлығын келтирип өтти.

Буннан соң Қарақалпақстан Республикасы Ишки Ислер Министриниң орынбасары Ө.Турдыбаев сөзге шығып, бүгин сизлер менен ушырасыўымыздан мақсет хабарыңыз бар деп ойлайман, яғный усы оқыў орнының студенти, қасттан адам өлтириў жынаятының қурбаны болып, бүгин арамызда жоқ. Қарап турсақ, бул жынаяттың келип шығыўының себеби, ышқый мүнәсибетлер есесинен жәнжел  ақыбетинде келип шыққанлығы хаққында, Республика аймағында жүз берген адам өлтириў жынаятларының себеплерин түсиндирип ѳтетуғын болсам, өткен дәўир ишинде жәми 4 қасттан адам өлтириў жынаяты жүз берди, яғный Нөкис қаласында 2, Әмиўдәрья ҳәм Коңырат районларында 1 жынаят жүз берди, тийкарғы себеплери, таныслар ортасындағы пул алды- берди қарыз мәселесинен келип (Нөкис қаласы ҳәм Әмиўдәрья) бир жынаятта еки таныс ортасында келип шыққан өз-ара жәнжел, мине ен соңғы жынаятта ышқый мүнәсибетлер ақыбетинде келип шыққанлығы ҳаққында тоқталып өтти.

   2021-жыл 02-апрель күни 23.09.2001-жылы Қоңырат районында туўылған, Өзбекстан Республикасы пуқарасы, саўаты тамамланбаған жоқары, турмысқа шықпаған, Бердақ атындағы Қарақалпақ мәмлекетлик университетиниң  Математика  факультети 2-курс студенти, Қоңырат районы, Тажимуратов көшеси 225-үйде жасаған С. С.ны сѳйлесип жүрген танысы 12.04.2000-жылы Қоңырат районында туўылған, Өзбекстан Республикасы пуқарасы бурын судланбаған, саўаты орта-арнаўлы, бойдақ, Қоңырат районы, «Елабад» АПЖда жасаўшы У. Т. асхана пышағы менен урған, сол ўақытта оларды айырмақшы болған Т. А.ны да пышақ пенен урып, дене жарақатын жеткизген, ҳәзирги күнде емлеўханада, ал жоқарыда айтып өткен қызымыз бул дүньяны тәрк етти. Бул ҳалат бойынша ЖКниң 97-статьясы 2-бөлими менен жынаят иси қозғатылып, қамаққа алыў бас шарасы қолланылғанлығы хакқында айтып өтти.

Сондай-ақ, соң сөзге Нөкис қалалық Ишки ислер органы жумысларын     муўапықластырыў басқармасы баслығы орынбасары, тергеў бөлими баслығы  С.Нуратдинов, ҚР ИИМ жынаят қыдырыў басқармасы бөлим баслығы М.Утегенов, ҚР бойынша Миллий гвардия басқармасы баслығы орынбасары С.Мамбеткаримов, ҚР Миллий гвардия бөлим баслығы Т.Реймов, Нөкис Мухаммад ал-Беруний атындағы Ислам билим журты оқытыўшысы А.Садыков ҳәм де КР ИИМ ЖКБ баслығы С.Б.Хожаназаровлар өз баянаты менен қатнасты.

    Ҳуқықбузарлық ҳәм жынаятшылыққа қарсы гүресиў арқалы жәмийетлик тәртипти ҳәм қәўипсизликти сақлаў мәселелери ҳаққында ҳәм де оның өз ўақтында алдын алыў кереклиги, жаслар арасында ҳәр түрли жаман иллетлерге қарсы гүресиў, оның алдын алыў, жасларды спорт пенен шуғылланыўға тартыў кереклигин айтып өтти. Сондай-ақ, ҳуқықбузарлық ҳәм жынаятшылықтың алдын алыў ушын ҳәмме бир болып үгит-нәсиятлаў кереклиги, жоқары оқыў орнында, студентлер турар үйинде ҳәм де ижарада жасайтуғын студентлер менен системалы түрде бирге ислесиўди жолға қойыў кереклигин айтып өтти.

Илаж соңында қатнасыўшылар тараў қәнигелерине өзлерин қызықтырған сораўларын берди ҳәм тийисли жуўаплар алды.

Website|Facebook|Instagram|Twitter|Telegram

Батафсил курмоқ

Ухсас жаналықлар

Изах қалдырыу

Э-пошта мекенжайыңыз жарияланбайды. Міндетті өрістер * таңбаланған

Back to top button
Close
Close