ҚОРАҚАЛПОҒИСТОН

Әмир Темур бабамыз туўылғанына 685 жыл толды

Ѳзбекстан Республикасы Миллий гвардиясы Қарақалпақстан Республикасы бойынша басқармасының басламасы менен усы жылдың 7-апрель күни Тѳткул районы халық билимлендириў бѳлимине қараслы 18-санлы улыўма билим бериў мектебинде  «Темур бабам – мақтанышым» сүрени тийкарында әдебий кеше болып ѳтти.

Оған  Ѳзбекстан Республикасы Миллий гвардиясы Қарақалпақстан Республикасы бойынша басқармасы әскерий хызметкерлери, Қорғаў басқармасы 10-айрықша отряды хызметкерлери, мектеп жәмәәти, районлық халық  билимлендириў  бѳлими хызметкерлери қатнасып, олар жасларға уллы Сәркәрда, сақыпқыран Әмир Темур бабамыздың  685 жыллық юбилейин  белгилеўдеги тийкарғы әҳмийети, ѳз заманында ели ушын, халқы ушын қандай саўаш майданларында алып барған әскерий ҳәрекетлери ҳәм  оның бугинги әўладқа  үлкен тарийх  болып  жетип келгенлиги бойынша кѳплеп мағлыўматларды келтирип ѳтти.

 Әмир Темур бабамыз бенен байланыслы болған бай тарыйхый мағлыўматларды   қаншама  айтып ѳтсекте аз.  Әмир Темур бабамыздай уллы инсанларға бесик болған  муқаддес диярымызда илим-пәнде, медицинада, әдебиятта, кѳркем-ѳнерде де атлары путкил дүньяға танылған уллы бабаларымыз  Мырза Улығбек, Аль-Хоразимий, Ал-Бухарий, Ибн-Сино, А.Наўайы, Заҳиритдин Мухаммед Бабур ҳәм басқа да уллы ойшыл данышпанларымыз жасап өткен. Олар бай тарыйхымыздың зәбердес тулғалары есапланады. Бизлер ҳәмийше оларды мақтаныш етемиз.

Тѳрткул районындағы 18-санлы мектептеги әскерий ўатансүйиўшиликке қәнигелестирилген класларда оқып билим алып атырған оқыўшы жаслар арасында болып ѳткен әдебий кешеде Миллий гвардия хызметкерлери, бир қатар оқытыўшылар сѳзге шығып, Әмир Темур бабамыз ҳаққында оқыўшыларға кѳплеп мағлыўматлар айтып ѳтти. Шѳлкемлестирилген әдебий кеше барысында мектеп оқыўшылары тәрепинен Әмир Темур бабамызға арналған ҳәр қыйлы әдебий қосықлар,

сондай-ақ, бабамыз мийраслары ҳаққында ѳзлериниң билимлерин еледе жетилистириў мақсетинде арнаўлы класс оқыўшылары арасында ѳз-ара сораў-жуўаплар ѳткерилип барылды.

Соның менен бирге кешеде  жас гвардияшылар тәрепинен әскерий спорт түрлери бойынша кѳргизбели шығыўларды шаққанлық пенен атқарып, кѳрсеткен ҳәр усылларды әскерий жаўынгерлик  ҳәрекетлери менен атқарып, бәрше қатнасыўшыларды үлкен қызығыўшылық оята алды.

Мектептиң басқа да класс оқыўшылары тәрепинен таярланған сахналық аяқ ойынлар атқарылды.

Website | Facebook | Instagram | Twitter Telegram

Батафсил курмоқ

Ухсас жаналықлар

Изах қалдырыу

Э-пошта мекенжайыңыз жарияланбайды. Міндетті өрістер * таңбаланған

Back to top button
Close
Close