ҚОРАҚАЛПОҒИСТОНВсе

Гвардияшылар сыйлықланды

Ѳзбекстан Республикасы Миллий гвардиясы Қарақалпақстан Республикасы бойынша басқармасы әскерий хызметкерлери Республикамыз кѳлеминде ѳткерилип киятырған  кѳрик таңлаў ҳәм спорт  жарысларында белсене қатнасып, жоқары нәтийжелерге ерисип келмекте.

Миллий гвардия Сәркардасының басламасы менен  усы жылдың 18-19-март күнлери Тошкент қаласында «Миллий халық қосықларын атқарыў» атамасында болып ѳткен кѳрик-таңлаўында  Ѳзбекстан Республикасы Миллий гвардиясы Қарақалпақстан Республикасы бойынша басқармасы атынан қатнасқан команда ағзалары мүнәсип қатнасып сыйлы екинши орынды,

25-28-март күнлери  Бухара ўәлаятында спорттың «Джиткун-до» түри бойынша 18 жастан жоқары болған жаслар арасында ѳткерилген Ѳзбекстан Республикасы чемпионатында Қарақалпақстан Республикасы атынан қатнасқан Миллий гвардия әскерий хызметкерлери А.Ешмуратов ҳәмде Н.Қарлыбаевлар уәлаятлардан келген спортшылар арасында ѳз салмақ категориясында биринши орынды ийелеп, чемпион болыў бахтына миясар болды.

Бундай жетискенликлер бәршемиз ушын үлкен куўаныш әлбетте. 30-31-март күнлери Тошкентте  спорттың «Хызмет кѳп гүрес» түри бойынша Ѳзбекстан Республикасы Миллий гвардия бириншилиги ушын ѳткерилген жарыста қатнасқан  Миллий гвардия хызметкерлери арасында Қарақалпақстанлы Миллий гвардияшылар да белсене қатнасып, улыўма командалық есапта сыйлы екинши орынды  жеңип алды.

Мине усындай корик-таңлаў ҳәм спорт жарысларында  ҳәр тәреплеме актив екенликлерин кѳрсетип, жақсы нәтийжелерге ерискен  тараў хызметкерлерин 2-апрель күни  Ѳзбекстан Республикасы Миллий гвардиясы Қарақалпақстан Республикасы бойынша басқармасы  атынан сыйлықлаў мәресими болып ѳтти.

Онда басқарма баслығы полковник М.Юсупов сѳзге шығып, хызметкерлердиң ерискен жетискенликлери менен қутлықлап, ѳзиниң ең жақсы тилеклерин билдирип ѳтти. Сыйлықлаў мәресимде хызметкерлердиң қолға киргизген медал ҳәм дипломларын салтанатлы түрде тапсырды.

Website | Facebook | Instagram | Twitter Telegram

Батафсил курмоқ

Ухсас жаналықлар

Изах қалдырыу

Э-пошта мекенжайыңыз жарияланбайды. Міндетті өрістер * таңбаланған

Back to top button
Close
Close