ҚОРАҚАЛПОҒИСТОНОЗБЕКИСТАН

Таңлаў қатнасыўшылары күтип алында

Ѳзбекстан Республикасы Миллий гвардиясының басламасы менен Миллий гвардия хызметкерлери арасында усы жылдың 18-19-март күнлери Тошкент қаласында «Ѳзбек миллий халық қосықларын атқарыў» бойынша кѳрик таңлаўының Республика басқышы болып ѳтти. 

Оған Республикамыздың барлық ўәлаятларынан жәми 16 команда қатнасып, олар фольклор жѳнелиси бойынша әзелден ата-бабаларымыздан әўладтан-әўладқа мийрас болып ѳтип киятырған халқымыздың миллий қосықларын атқарып, үрп-әдеп дәстүрлеримизди жүдә бай мазмунға ийе екенлигин кѳрсете алды. Ҳәр бир қатнасыўшы тәрепинен таңлаў шәртлерине муўапық, атқарылған айтыслар тѳрешилер қурамы тәрепинен жоқары баҳаланып барылды.

Таңлаў нәтийжелерине бола, 1-орынды Тошкент қаласы Миллий гвардия басқармасы командасы, 2-орынды Қарақалпақстан Республикасы бойынша Миллий гвардия басқармасы командасы ҳәмде 3-орынды болса, Қашқадәрья ўәлаяты Миллий гвардия басқармасы командасы ағзалары жеңип алды.

23-март күни Қарақалпақстан Республикасы бойынша Миллий гвардия басқармасы әскерий хызметкерлери тәрепинен Нѳкис темир жол вакзалында салтанатлы күтип алыў мәресими болып ѳтти.

Тараў хызметкерлери таңлаў қатнасыўшыларының ерискен жетискенликлери менен қутлықлап, оларға ѳзлериниң ең жақсы тилеклерин билдирип ѳтти.

Website | Facebook | Instagram | Twitter Telegram

Батафсил курмоқ

Ухсас жаналықлар

Изах қалдырыу

Э-пошта мекенжайыңыз жарияланбайды. Міндетті өрістер * таңбаланған

Back to top button
Close
Close