ҚОРАҚАЛПОҒИСТОНОЗБЕКИСТАН

Салтанатлы иләж өткерилди

Ўатан-муқаддес. Оны асырап абайлаў, ҳәр бир ер-жигиттиң әдиўли ўазыйпасы. Мине, бүгин  Қарақалпақстан Республикасы бойынша Миллий гвардия басқармасында мүддетли әскерий хызметкерлердиң Ўатан алдындағы әдиўли ўазыйпасын орынлап резервке босатыў ҳәм үлгили, ҳәр тәреплеме билимли әскерлерге әскерий усыныснамаларын тапсырыў мәресими болып өтти.

Иләжда Қарақалпақстан Республикасы бойынша Миллий гвардия басқармасы баслығы полковник М.Юсупов сөзге шығып, барлық мүддетли әскерий хызметкерлерди жигитлик парызын атқарғанлығы менен қутлықлап, келешекте елимиздиң раўажланыўы ушын өзлериниң салмақлы үлеслерин қосатуғын ер-азаматлар болып жетилисиўин тилеп қалды.

Буннан соң басқарма баслығы полковник М.Юсупов тәрепинен мүддетли әскерий хызметкерлерге салтанатлы түрде әскерий усыныснамалар тапсырылды.

Иләж қатнасыўшысы мүддетли әскерий хызметкер Л.Облақулов пенен сәўбетлескенимизде: «Мине бир жыл даўамында командир ҳәм баслықлар тәрепинен жаўынгерлик ҳәм руўҳый-ағартыўшылық бағдарында бизлерге билимлер берилди. Әскерий хызметти өтеў даўамында ҳәр тәреплеме шынықтық. Өз гезегинде әскерий бөлим командирлерине миннетдаршылығымды билдиремен ҳәм келешекте өзимде әскерий хызметкер болып ўатаныма хызмет етемен»-деген пикирлерин билдирди.

Иләж жуўмағында Қарақалпақстан Республикасы бойынша Миллий гвардиясы жеке қурамы салтанатлы түрде сап тартты.

Website | Facebook | Instagram | Twitter Telegram

Батафсил курмоқ

Ухсас жаналықлар

Изах қалдырыу

Э-пошта мекенжайыңыз жарияланбайды. Міндетті өрістер * таңбаланған

Back to top button
Close
Close