ҚОРАҚАЛПОҒИСТОНКатегориясыз

Бақсышылық ѳнери таӊлаўыныӊ дәслепки басқышы ѳткерилди

Әскерий бѳлимлерде руўхый-ағартыўшылық жумыслардыӊ нәтийжелилигин асырыў мақсетинде, Ѳзбекистан Республикасы Миллий гвардиясы әскерий бѳлимлеринде “Бақсышылық ѳнери” кѳрик таӊлаўын ѳткериў режелестирилген еди.

Күни кеше Нѳкис қаласында жайласқан 22-санлы Музыка ҳәм кѳркем ѳнер мектебинде, Қарақалпақстан Республикасы бойынша Миллий гвардия басқармасы әскерий хызметкерлери, Қорғаў басқармасы хызметкерлери ҳәм талантлы жаслар қатнасыўында “Бақсышылық ѳнери” таӊлаўыныӊ дәслепки басқышы ѳткерилди.

Иләжда Қарақалпақстан Республикасы бойынша Миллий гвардия басқармасы офицери капитан А.Досназаров сѳзге шығып, мәмлекетимизде мәденият ҳәм кѳркем ѳнер тараўына қаратылып атырған итибар ҳаққында айтып, жарыс қатнасыўшыларына әўметлер тиледи.

Жарыс қатнасыўшылары ала мойнақ дуўтарды қолға алып, Қарақалпақ миллий намаларын, дәстанлардан үзиндилер атқарды.

Қызғын ѳткен жарыс жуўмағында, Қорғаў басқармасы хызметкери қатардағы Қ.Саатдинов жеӊимпазлықты қолға киритип, таӊлаўдыӊ Республика басқышына жоллама алды.

Кѳрик таӊлаў қатнасыўшылары Қарақалпақстан Республикасы бойынша Миллий гвардия басқармасы тәрепинен диплом, ҳүрмет жарлықлары ҳәм баҳалы саўғалар менен сыйлықланды.

Website | Facebook | Instagram | Twitter Telegram

Батафсил курмоқ

Ухсас жаналықлар

Изах қалдырыу

Э-пошта мекенжайыңыз жарияланбайды. Міндетті өрістер * таңбаланған

Back to top button
Close
Close