Категориясыз

Мир Әлишер Наўайы-Ғәззел мүлкиниң султаны

Өзбек әдебиятының гүлтажы Мир Әлийшер Наўайыға илимпаз М.Шайҳзада: “Ғәззел мүлкиниң султаны”-деп тәрип берген еди. Быйыл болса, уллы бабамыздың туўылғанына 580 жыл толды. Сәне мүнәсебети менен орынларда мәдений иләжлар өткерилмекте.

Атап айтқанда, Қарақалпақстан Республикасы бойынша Миллий гвардия басқармасы басламасы менен Қорғаў басқармасы 3-айрықша отряды хызметкерлери, Кегейли районы ҳәкимлиги, район Мәденият бөлими менен биргеликте, районлық Халық билимлендириў бөлимине қараслы 5-санлы орта мектепте шайыр туўылған сәне мүнәсебети менен “Ғәззел мүлкиниң султаны” атамасында әдебий-көркем кеше шөлкемлестирилди.

Иләжда 5-санлы мектептиң Өзбек тили ҳәм әдебияты пәни оқытыўшысы А.Алланиязова сөзге шығып, Әлийшер Наўайының өмири ҳәм дөретиўшилиги ҳаққында кең түрде баянат оқыды. Қарақалпақстан Республикасы бойынша Миллий гвардия басқармасы офицерлери майор А.Акимов ҳәм капитан А.Досназаров сөзге шығып, жасларды оқып излениўге, көплеп китаплар оқыўға, шет тиллерин үйрениўге шақырып қалды.

Оннан соң, мектеп оқыўшылары тәрепинен таярланған саҳна көринислери, ғәзеллеринен көркемлеп оқыўлар ҳәм мәденият тараўы ўәкиллериниң нама-қосықлары әдебий кешеге көтериңки руўҳ бағышлады.

Иләж жуўмағында, әдебий кешени өткериўге белсенди қатнасқан мектеп жәмәәти шөлкемлестириўшилер тәрепинен ҳүрмет жарлықлары менен сыйлықланды.

Website | Facebook | Instagram | Twitter Telegram

Батафсил курмоқ

Ухсас жаналықлар

Изах қалдырыу

Э-пошта мекенжайыңыз жарияланбайды. Міндетті өрістер * таңбаланған

Back to top button
Close
Close