ҚОРАҚАЛПОҒИСТОНОЗБЕКИСТАНТЕХНОЛОГИЯ

Мүддетли әскерий хызметкерлер ушын әҳимйетли күн

Аспаны ашық, тыныш-татыў елде ўатан қорғаўшысы болыў, ҳәр бир ер-жигит ушын мақтаныш есапланады. Ҳәр жылы мүддетли әскерий хызметти  өтеў ушын жасларымыз ўәлаятлардан әскерий бөлимлерге жетип келеди. Ана Ўатан алдындағы жигитлик  ўазыйпасын атқарып қайтқан ер-жигитлерге, әскерий бөлим командирлиги усыныснамасы тийкарында Жоқары оқыў орынларына кириўде  жеңилликлер  берилетуғыны бәршемизге мәлим.

Бүгин Қарақалпақстан Республикасы бойынша Миллий гвардия басқармасында мүддетли әскерий хызметти өтеп атырған әскерлер ушын әҳимйетли күнлердиң бири  десек қәтелеспеймиз. Себеби, бүгин олар бир жыл даўамында алған билимлерин, әскерий бөлим командирлигиниң усынысын алыў ушын сыннан өткереди.

Дәслеп, Қарақалпақстан Республикасы бойынша Миллий гвардия басқармасы офицери капитан А.Досназаров сөзге шығып, тест сынаўларынан табыслы өтип, әскерий бөлим командирлигиниң усыныснамасына ийе болыўын тилеп қалды.

Оннан соң, Мәмлекетлик тест орайынан келген қәнигелер сораўлар китабынан пайдаланыў бойынша мағлыўматлар берип өтти.

Бизде өз гезегинде, мүддетли әскерий хызметкерлерге әўмет яр болыўын тилеп қаламыз.

Website | Facebook | Instagram | Twitter Telegram

Батафсил курмоқ

Ухсас жаналықлар

Изах қалдырыу

Э-пошта мекенжайыңыз жарияланбайды. Міндетті өрістер * таңбаланған

Back to top button
Close
Close