ҚОРАҚАЛПОҒИСТОНВсеСПОРТ

Жаслар ортасында спорт жарысы өткерилди

 Президентимиз тәрепинен алға сүрилген «Бес баслама» тийкарында орынларда бирқатар иләжлар әмелге асырылмақта. Атап айтатуғын болсақ, жаслар арасында саламат турмыс тәризин үгит-нәсиятлаў, оларды спортқа қызықтырыў бағдарында, Ѳзбекстан Республикасы Миллий гвардиясы Қарақалпақстан Республикасы бойынша басқармасы басламасы менен  спорттың «Кикбоксинг» түри бойынша «Қарақалпақстан Республикасы бойынша Миллий гвардия басқармасы баслығының кубоги» ушын спортшылар, жәмлеспеген жаслар ортасында жарыс өткерилди.

Еки күн даўам еткен беллесиўлер жуўмағында, белгиленген салмақ категориялары бойынша жеңимпазлар анықланды.

Спортшыларымызды сыйлықлаў мәресиминде Қарақалпақстан Республикасы бойынша Миллий гвардия басқармасы баслығы полковник М.Юсупов сөзге шығып, жеңимпаз жасларымызды қутлықлап, спорт пенен турақлы шуғылланып, елимиз раўажланыўына мүнәсип үлесин қосатуғын жаслар болыўға шақырып қалды.

Иләж жуўмағында жеңимпазларға медал, диплом ҳәм ҳүрмет жарлықлары салтанатлы түрде тапсырылды.

Жаслар ортасында спорт жарысларының көплеп өткерилиўи, перзентлеримиздиң ҳәр тәреплеме саламат ҳәм кәмил инсанлар болып өсиўинде өзиниң унамлы нәтийжесин бериўи анық.

Website | Facebook | Instagram | Twitter Telegram 

Батафсил курмоқ

Ухсас жаналықлар

Изах қалдырыу

Э-пошта мекенжайыңыз жарияланбайды. Міндетті өрістер * таңбаланған

Back to top button
Close
Close