ҚОРАҚАЛПОҒИСТОНВсе

Тарийхты еслетиўши музей шѳлкемлестирилмекте

Ўатанымыз шегараларын қорғаў, оның тынышлығы ҳәм пәраўанлығын тәмийинлеў, халқымыздың еркин ҳәм абадан турмыс тәризин сақлаў жолында хызмет етиў бәршемиздиң муқаддес ўазыйпамыз есапланады. Ўатан қорғаўшыларының ѳтмишин тиклеў мақсетинде Ѳзбекстан Республикасы Миллий гвардиясы Қарақалпақстан Республикасы Қорғаў басқармасы тәрепинен бир қатар унамлы ислер әмелга асырылмақта.

Усы жыл «Қорғаў хызметиниң 30 жыллығы» мүнәсебети менен Нѳкис қаласында Қорғаў басқармасы имаратынан музей шѳлкемлестириў жумыслары басланған еди. Музейди шѳлкемлестириўден тийкарғы мақсет, қорғаў хызметиниң келип шығыў тарийхы, онын раўажланыў тенденциясы, тарийхый жумыслары ҳәмде ҳүжжетлер номенклатурасы, қорғаў хызметиниң мәрт ҳәм пидайы хызметкерлериниң  автобиографиясы, жоқары лаўазымлы шахслардың хронологиясын қайта тиклеп, олардың атларын мәңгилестириўден ибарат.

«Тарийхый естеликсиз келешек жоқ». Солай екен, ѳз тарийхымызды ѳзимиз жаратып, оны келешек әўладқа жеткериўимиз керек. Қарақалпақстан Республикасы Қорғаў басқармасы хызметкерлери елимиз тынышлығы жолында хызмет етип ҳүрмет-иззетке бѳленген хызметкерлердиң тарийхый сүўретлерин, ҳүжжетлери ҳәм хызмет бабында кийген кийимлери менен пайдаланған ҳәр қыйлы буйымларын жыйнап, музей шѳлкемлестириўдиң дәслепки жумыслары басланды.

Жақын арада усы буйымларымыз шѳлкемлестирилип атырған музейден ѳз орнына ийе болады.  

Website | Facebook | Instagram | Twitter Telegram 

Батафсил курмоқ

Ухсас жаналықлар

Изах қалдырыу

Э-пошта мекенжайыңыз жарияланбайды. Міндетті өрістер * таңбаланған

Back to top button
Close
Close